文／賴傳毓，苗栗人，退休公務員（四縣腔）
西山村个孔秋嵐，想愛自家種瓠仔，屋下後尾選好地，用钁頭摎地改好。
跈等又揹起刀嫲，行去山項剁竹仔，擎轉屋下破竹𥯟，愛搭棚架種瓠瓜。
棚架型仔隨人搭，有四角型像箱仔，乜有搭到圖牆型，也有搭到圓錐型。
秋嵐選用圖牆型，因為佢比較好搭，處理好勢行入屋，坐下來啉一杯茶。
之前屋下个杓嫲，已經缺角當嚴重，無法再過耐忒久，需要三隻來代換。
故所秋嵐食飽晝，略下睡當晝過後，跈等再擎起钁頭，在菜園个盡邊脣，
種加幾頭瓠仔樹，種完想愛轉屋肚，秋嵐阿爸行過來，要求做杓嫲瓠樹，
希望增加幾頭吔，因為阿爸做食个，專門摎人來辦桌，使用杓嫲个機會，
杓嫲需要个數量，兩樣就愛十分多。秋嵐在屋下後尾，開闢真闊个種地，
種了青菜摎水果，瓠仔係其中一種，秋嵐細心來照顧，看着佢兜漸漸大，
心肚實在有罅爽，瓠仔係其中一種。過忒一段時間後，算到時間有罅久，
再用手指去試扚，聽聲音應當熟了，準備天光日收割。看著收成个數量，
會有當長个時間，秋嵐到臨暗時候，看著收割後蔬果，下後屋下个三餐，
就會有豐沛菜色，心肚實在有罅暢。又再過了幾日後，愛做杓嫲个瓠樹，
已經可以來收割。第二日个朝晨頭，收割下來十三隻，除忒三隻屋下用，
七隻阿爸辦桌用，三隻留等預備用。秋嵐開始做杓嫲，起先對半剖兩析。
接下來愛挖瓜肉，瓠瓜中央个瓜囊，挖忒正做得舀水，接等愛分日頭晒，
晒到變土黃色後，再略下仔來刮靚，這隻杓嫲就好勢，可以拿來舀東西。
又乜好在有赴著，阿爸愛用个七隻，愛用杓嫲个辦桌，離秋嵐屋半公里，
有一條細个河壩，秋嵐逐日就愛去，㧡水轉來用杓嫲，舀水淋菜園果園，
淋好略下休息後，就開始準備料理。全家食夜个飯菜，舀一杓水洗鑊頭，
秋嵐開始來料理，因為逐餐个飯桌，阿爸要求愛有湯，係無就會大聲罵。
秋嵐想去又想轉，恁久阿爸較辛苦，割禾耙穀又攪穀，田事做完係堵着，
鄉親喊愛辦桌時，跈等又愛來安排，這擺愛麼个菜色？故所秋嵐就決定，
料理排骨蘿蔔湯，愛分阿爸補身體。包尾煮出兩杓湯，因為屋下有七儕，
煮好大家共下食，一面食飯一面愐，仰般處理這擺个，主人阿爸做生日，
愛辦八張桌請人，秋嵐逐樣記下來，杓嫲愛帶幾多隻，驚怕到時會毋罅。
幾年過後時代變，塑膠已經做出來，大大小小个湯匙，杓嫲變成做古董。
華語
在西山村住的孔秋嵐，想要在自己家種瓠仔，秋嵐在自己家後面，選了一塊地，用鋤頭把地挖好，跟著就背起砍刀，去山裡剁竹子，背著回家開始剖竹子，做搭棚架用的竹片。
棚架的型狀並沒有硬性規定，有像箱子一樣的四角形、也有搭成圍牆形狀、或有搭成圓錐型。秋嵐選用圖牆的型狀，因為圍牆形狀比較好搭建。
棚架搭好後，走入房子喝一杯茶，之前家裡用的杓子，已經缺角相當嚴重，無法再用很久，需要三個來替換，所以秋嵐吃過中飯，稍微睡一下午覺，跟著再扛起鋤頭，在菜園的最邊邊，加種幾棵瓠仔樹，種完想要進屋休息，秋嵐阿爸行過來，要求做杓嫲的瓠樹，希望種加幾棵，因為秋嵐父親的工作是辦桌的，專門做吃的，使用杓子的機會相當多、相當大。
秋嵐聽父親的要求，就在屋子後面，在已經開闢廣闊的種地，種了多種青菜和水果，又再度開闢多種幾棵瓠樹。
秋嵐自從開闢了種植園地後，每天細心來照顧，看到瓠樹、青菜、水果一天天的長大了，心中實在有夠爽，尤其是瓠樹。
過了一段時間後，算到成長的時間已經差不多了，再用手指去試扚，聽聲音感覺已經熟了，所以秋嵐準備明天早上要去收割。
到了傍晚，秋嵐看著收割下來的成果，內心感覺很高興。從今開始，我們家的餐桌上，將會有更豐盛的菜色，心裡面實在有夠高興，又再經過了好幾天後，秋嵐準備要做杓子的果實，已經可以收割了，總共可以做十三隻，秋嵐盤算用量分配，除了三隻家裡用，三隻留著備用，七隻阿爸辦桌用。
第二天早上，秋嵐開始做杓子，開始將瓠瓜對半剖成兩半，接著要將裡面瓜肉挖掉，中間的瓜囊挖掉，這樣才可以更方便的舀東西，接著將所有挖好瓜肉的杓子，放在太陽底下曬，等杓子變土黃色後，再將裡面、外面，稍微刮平滑後，這隻杓子就做好了。看看日曆，好在有趕上父親的工作需求。
杓子的清洗、辦桌、家裡生活等的需用，取自於離秋嵐住家約半公里處，有一條小河，秋嵐家裡每天都會有人去提水回家，用來澆菜、家用，澆菜完了以後，秋嵐就開始準備做晚餐，因為秋嵐父親每天的三餐，習慣上每餐都需要喝湯，不然就會罵人。
但是秋嵐稍微澆完水後，開始休息時侯，突然想到，最近父親比較辛苦，又要割稻、又要舂米，田裡工作做完後，又遇上鄉親要辦桌時，緊跟著就要做安排，這次要什麼菜色？有幾張桌？菜量要多少？所以秋嵐就決定，做一道排骨蘿蔔湯，要讓父親補身體，最後煮出兩杓湯，因為家裡有七個人，煮好全家一起吃。
秋嵐一面吃飯一面想，要如何處理這次主人的父親的生日餐宴？主人愛辦八張桌請庄裡的鄉親吃飯，秋嵐每樣都記下來，杓子要帶多少隻？怕到時候會不夠，而耽誤了工作。
幾年時間過去後，時代不停的在變化，塑膠已經發明且做出來了，因應需要的大大小小的湯匙，瓠瓜做的杓嫲，就變成做古董了。