文／林雅秋，學老人，戴高雄（四縣腔）
𠊎對2016年學客語到這下2025年，差毋多有九年咧！不時會有人問𠊎：「做麼个會想愛學客話？」其實頭下碼𠊎學客語个動機當簡單，毋過經過恁多年个客語學習，𠊎對「做麼个想愛學客話」个見解乜緊來緊深遠。
故事愛對𠊎2012年去讀「臺灣歷史文化同語言研究所」講起。入學前自家已經有臺灣多元文化个觀念，故所看著「客家文化研究所」2012年舉辦个「亞洲客家學術研討會」，𠊎就盡有興趣去參加了。論真來講，𠊎對文化个興趣大過語言，毋過𠊎乜在寫論文个時節，漸漸理解語言係文化个根，愛用語言正做得感受、記錄、傳承文化个意涵。
2015年研究所畢業前，𠊎除忒透過客家文化發展中心舉辦个「六堆地區文史人才培訓工作坊」，對五溝水、蕭家老屋、敬字亭、面帕粄等文化有過較進一步个了解，乜因為自家「臺灣道士」論文主題裡背个「做齋」詞彙客語發音，對客語初擺有了正式个思考。
2016年，𠊎注意著高雄市客家委員會有舉辦客語課程，𠊎試著當生趣，還過課程有分四縣腔、海陸腔，這對係「學老人」族群个𠊎來講，實在毋知哪個腔調係最好。既然拜六上晝係四縣、下晝係海陸，將就兩腔調都報名。到了2017年，高雄市客家委員會又開課咧！這擺毋單有初級班，還續等開中級同中高級，𠊎共樣全部都參加。盡遺憾因為高雄市民較少人講海陸腔，故所2018年淨有四縣腔初級、中級同中高級做得報名，毋過高雄市客家委員會有接等規劃「海陸腔廣播人才培訓班」、「海陸腔客家古禮班」，𠊎共樣全全参加。
時間恁遽，這下係2025咧！𠊎再一擺参加了四縣腔初級、中級同中高級个課程（海陸腔還係無開課）。回想在2019年運用𠊎个多元文化内涵，到社區教「屋下來唱歌」，分享客家六堆地區建築特色，還有教社區民眾唱客家歌。期望未來做得續等學客家語言同文化，然後再透過文字同教學个方式將這份情感分享出去。最尾，𠊎想愛感謝各主辦單位、課程先生、同學對客語文化資源个提供同參與，分𠊎做得學著盡多、快樂學客。
華語
我從2016年學客語到現在2025年，差不多有九年了！常常會有人問我：「為什麼會想要學客話？」其實一開始我學客語的動機很簡單，但是經過這麼多年的客語學習，我對「為什麼想要學客話」的見解也愈來愈深遠。
故事要從我2012年去讀「臺灣歷史文化及語言研究所」講起。入學前自己已經有臺灣多元文化的觀念，所以看到「客家文化研究所」2012年舉辦的「亞洲客家學術研討會」，我就很有興趣的去參加了。說實在的，我對文化的興趣大過於語言，但我在寫論文的過程，漸漸理解了語言是文化的根，需要透過語言才能感受、記錄、傳承文化的意涵。
2015年研究所畢業前，我除了透過客家文化發展中心舉辦的「六堆地區文史人才培訓工作坊」，對五溝水、蕭家古厝、敬字亭、面帕粄等文化有更進一步的了解，也因為自己「臺灣道士」論文主題裡的「做齋」詞彙客語發音，對客語第一次有了正式的思考。
2016年，我留意到高雄市客家委員會有舉辦客語課程，我覺得很有趣，而且課程還分四縣腔、海陸腔，這對屬於「閩南人」族群的我而言，根本不懂哪個客語腔調是最好的。既然星期六上午是四縣、下午係海陸，乾脆兩個腔調都報名。到了2017年，高雄市客家委員會又開課了！這次不只有初級班，還接續開了中級暨中高級，我一樣全部都參加。很遺憾因為高雄市民較少人說海陸腔，所以2018年只有四縣腔初級、中級暨中高級的班別可以報名，不過高雄市客家委員會有接著規劃「海陸腔廣播人才培訓班」、「海陸腔客家古禮班」，我一樣全部参加。
時光似箭，如今已2025了！我再一次参加了四縣腔初級、中級暨中高級的課程（海陸腔還是沒開課）。回想在2019年運用我的多元文化内涵，到社區教「屋下來唱歌」，分享客家六堆地區建築特色，還有教社區民眾唱客家歌。期許未來可以繼續學客家語言與文化，然後再透過文字及教學的方式將這份情感分享出去。最後，我想感謝各主辦單位、課程老師、同學對客語文化資源的提供及參與，使我從中獲益良多、快樂學客。