時事
2024.03.30 09:34 臺北時間

【寫客文】開在台北書展个客家花

【寫客文】開在台北書展个客家花
文/鍾孝昇,國小教師、中壢客家人,這下戴中壢(四縣腔) 一年一擺个「台北國際書展」,在2月20號開幕,𠊎摎逐年 […]

文/鍾孝昇,國小教師、中壢客家人,這下戴中壢(四縣腔)

一年一擺个「台北國際書展」,在2月20號開幕,𠊎摎逐年共樣,尋一隻平常日,來到台北國際世貿中心,參觀這隻全臺灣盡大个書展。雖然臺北書展,逐年都有非常多个活動,分人當期待,毋過今年最特別个,就係客家公共傳播基金會(客傳會),第一到參加臺北書展,這分客家人个𠊎當疑狐,到底客傳會展出哪兜東西,分大家看著豐富多元个客家文化?

在會場入口,𠊎先拿出桃園到臺北个火車票,分工作人員檢查。唉,你定著會試著當奇怪,𠊎仰毋拿門票入場喏?原來這擺書展,為著愛餳過較多人參加,提供4種免費入場个辦法,像18歲以下个學生、身障人士、還有拿等文化幣个後生仔,都做得毋使錢就入場。係講你係對桃園以南(包含桃園) 摎宜蘭、花蓮、台東縣市來个,拿等今晡日台鐵、高鐵个車票,乜做得免費入場參觀嗬。

行入會場,首先看到个,就係這擺書展个主題國家館—「荷蘭」館,原來今年堵好係荷蘭來到臺灣400年,故所書展就用這隻摎臺灣歷史當有關係个國家,做今年書展个主題國家。除忒有17世紀,荷蘭戰船「菲士蘭號」个模型,還有2公尺恁高,荷蘭盡有名个卡通明星—米飛兔,當多小朋友都相賽愛摎這隻荷蘭國寶兔仔翕相。

這擺个台北國際書展,用「閱讀造浪」做主題,有34隻國家,超過450隻攤仔參加,分做8隻書區,展出各式各樣个出版品。(亻恩)客傳會个展區,就在「藍沙龍」脣个綜合書區。

就像這擺書展主題—「閱讀造浪」愛傳達个概念,客傳會結合花、海洋、島,摎展區个名安到「書浪花嶼—島嶼開个客家花蕊」,希望透過同心圓樣个花,摎客話傳出去,探根客家文化。

𠊎正行到客傳會會場,服務人員就當細義,紹介展區个5大特色,在這有紙本出版品展示區、細孲仔有聲書个聲音旅行、浮光VR體驗區、影音展示區,還過細孲仔畫本、動畫展示區。故所服務人員𢯭手𠊎戴VR目鏡,親身感受這得著幾下擺國際獎項个VR作品《浮光童夢—五溝水》。

影片一開始,𠊎對一張烏白相片行出來,定定仔行入大武山个坑壢。大家湊伴在河壩脣,比賽紙船仔、捉𧊅仔,還過潛入水竇肚,在青里里仔个水草脣泅來泅去,跈等魚仔、龜仔遊遊野野,搞到歡喜靂天,鬧熱煎煎。落尾,𠊎過鑽入有大嫲隻玩具个祕密基地,扼等竹揚尾仔,飛向天頂。這短短十分鐘个影片,雖然分人分毋清楚真真假假,毋過做得感受著60年代,南部客庄五溝水純真个樣仔。

另外,會場也展示由客傳會製作个影片,像紹介客家工藝師傅个《傳、傳》,還有紹介國家級步道「樟之細路」个《山項優雅》,大家都做得透過影片,欣賞客莊人文同自然景觀。

除忒當多影音媒體,在客傳會展區當中,𠊎也看著當多客家个雜誌、書本,就像《牛欄河畔》、《月光山》…這兜民間團體出版个雜誌,還有舊年年尾得著金鼎獎,客傳會出版个《靛花》,都係內容當湛斗个客家雜誌。𠊎做一個客家子弟,當然乜愛支持一下,揀揀擇擇過後,買了一本張莉涓先生寫个《臺灣客家民間喜感故事精編》,希望做得對客家古琢个故事有較多了解。

在這擺个書展當中,正經做得感受著客傳會,推廣客家文化个用心。仰般講呢?為著愛分人遽遽尋著客家个出版品,客傳會盡用心,做了一張客家攤仔个地圖,分人在渺渺茫茫个書海中,當簡單就尋著客家相關个出版品。

暢樂个時間一下仔就過忒了,在會場遶遶尞尞幾下點鐘,尞到人愛收攤了,𠊎還毋想愛轉,𠊎試著一日个時間來這參觀,實在毋過願,係講有機會,應該過去一到正做得。

台北國際書展,毋單淨係全臺灣最大个書展,還係各種文化展現特色个舞臺。期待明年還做得看著過較多客家出版品,在這隻用書起起來个舞臺項,開出靚靚个客家花。

在客傳會展區,展出當多客家个雜誌、書本,就像《牛欄河畔》、《月光山》、《今日美濃》…這兜民間團體出版个雜誌。鍾孝昇提供
客傳會參加台北國際書展个展區「書浪花嶼–島嶼開个客家花蕊」。鍾孝昇提供
客傳會會場个特色–「細孲仔有聲書个聲音旅行」,做得聽到五種客家腔調个童話故事。鍾孝昇提供
客傳會會場个特色–「浮光VR體驗區」,做得戴上VR頭盔,親身感受這獲得多次國際獎項的VR作品《浮光童夢–五溝水》。鍾孝昇提供
客傳會做个客家出版品位置地圖,分人輕可尋到客家相關个出版品。《客新聞》製作

華語

一年一度的「台北國際書展」於2月20日開幕,而我像每年一樣,找一個平日,來到台北國際世貿中心,參觀這個全台灣最大的書展。雖然台北書展,每年都有許多的活動,令人相當期待,不過今年最特別的,就是客家公共傳播基金會(客傳會)首次參加台北書展的展覽,這讓身為客家人的我相當疑惑,到底客傳會展出哪些東西,讓民眾可以看到豐富多元的客家文化?

在會場入口,我先拿出桃園到台北的火車票,給工作人員檢查。唉,你一定覺得很奇怪,我怎麼不是拿門票入場呢?原來這次書展,為了吸引更多人參加,提供了4種免費入場的辦法,像18歲以下的學生、身障人士、以及持文化幣的年輕人,都可以免費入場。如果是桃園以南(包含桃園)及宜蘭、花蓮、台東縣市來的人,持當日台鐵、高鐵車票,也可以免費入場參觀喔。

走進展場,首先映入眼簾的,便是這次活動的主題國家館——「荷蘭」館,原來今年適逢荷蘭到台灣400年,於是書展便以這個與台灣歷史有密切相關的國家,作為今年的主題國家。除了17世紀荷蘭戰船「菲士蘭號」的模型外,還有高達2公尺,荷蘭知名的卡通明星——米飛兔,許多小朋友都爭相與這隻荷蘭國寶兔合照。

這次的台北國際書展,以「閱讀造浪」為主題,共有34個國家,超過450個攤位來參加,分成8大書區,展示各式各樣的出版品。我們客傳會的展區就在「藍沙龍」旁的綜合書區。

正如同這次書展主題—「閱讀造浪」所傳達的概念,客傳會,結合花蕊、海洋、島嶼,將展區名訂為「書浪花嶼—島嶼綻放的客家花蕊」,希望透過同心圓般的花蕊,將客語傳播開來,深根客家文化。

我才走到客傳會會場,服務人員便親切的,介紹展區的5大亮點,這裡有紙本展示區、兒童有聲書的聲音旅行、浮光VR體驗區、影音展示,還有兒童繪本、動畫展示。於是我便在服務人員的幫助下,戴上VR眼鏡,親身感受這獲得多次國際獎項的VR作品《浮光童夢—五溝水》。

影片一開始,我從一張黑白照片走出來,慢慢走進大武山的小溪。大家相邀在河邊賽紙船、捉蝌蚪,還潛入水中,在翠綠水草之間游來游去,與身旁的魚、龜遊遊蕩蕩,玩到歡喜樂天,鬧熱滾滾。最後,我還鑽進有巨大玩具的祕密基地,握住竹蜻蜓,飛向天際。這短短十分鐘的影片,雖然讓人分不清是真是假,不過卻能感受到60年代,南部客庄五溝水的純真樣貌。

另外,會場也展示了由客傳會製作的影片,就像介紹客家工藝師傅的《傳、傳》,以及介紹國家級步道「樟之細路」的《山上優雅》影片大家都可以透過影片,欣賞客庄人文與自然景觀。

除了許多影音媒體外,在客傳會展區中,我也看到了許多客家的雜誌、書籍,就像《牛欄河畔》、《月光山》…這些民間團體出版的雜誌,還有去年底拿到金鼎獎,客傳會出版的《靛花》,都是內容相當優質的雜誌。身為客家子弟的我,當然也要支持一下,精挑細選後,買了一本由張莉涓老師寫的《臺灣客家民間喜感故事精編》,希望能對客家喜感故事有多一點的瞭解。

在這次的書展中,真的能夠感受到客傳會推廣客家文化的用心。怎麼說呢?為了能夠讓讀者快速找到客家的出版品,客傳會很用心,做了一張客家攤位的地圖,讓人在茫茫書海中,一目了然,輕鬆找到客家相關的出版品。

快樂的時間總是一下子就過去了,在會場遊遊轉轉幾個鐘頭,玩到人家都要收攤了,我還不想回家,我認為只用一天的時間來這參觀,實在不夠滿足啊,若是有機會,應該要再去一次書展才行。

台北國際書展,不但是全台灣最大的書展,更是各種文化展現特色的舞台。期待明年還能看到更多的客家出版品,在這個用書本搭起來的舞臺上,開出美麗的客家花朵。

延伸閱讀:

台北國際書展/開幕首日人潮湧現 用「閱讀造浪」力挺台灣出版

客傳會進軍台北書展 金鼎獎肯定《靛花》雜誌、攝影集展現客家魅力

更新時間|2024.03.30 10:00 臺北時間
延伸閱讀

更多內容,歡迎 鏡週刊紙本雜誌鏡週刊數位訂閱了解內容授權資訊

月費、年費會員免費線上閱讀動態雜誌

線上閱讀

更多內容,歡迎 鏡週刊紙本雜誌鏡週刊數位訂閱了解內容授權資訊

月費、年費會員免費線上閱讀動態雜誌

線上閱讀