【華文版】
慢性疼痛有定義 醫：非癌且逾3個月應速就醫
【戴君儒／新竹竹北海陸腔】根據國際疼痛研究學會（IASP）定義，疼痛是一種令人不愉快的感覺及情感體驗，通常由實際或潛在的組織損傷所造成。
所謂的慢性疼痛，奇美醫院教授王志中表示，定義為超過3個月的非癌疼痛，造成的原因常較複雜，一開始可能是因軀體、內臟或由神經系統受到傷害所引起。
王志中說，後來會加入了許多其他因素，共同促成疼痛的慢性化，例如長期睡不好、工作壓力大等，慢性疼痛多半是習慣病，治療的策略應針對慢性疼痛形成的原因，以多面向照護方式進行。
衛生福利部食品藥物管理署副署長王德原提醒，民眾如有疼痛問題應尋求醫師診治，積極找出病因，依照醫師指示正確服用藥品，並輔以多方式的止痛治療，有疑問時應向醫師或藥師尋求專業諮詢，這樣才能擺脫疼痛的困擾。（中央社）
彈性育嬰假9日起試辦 最短可只請1天假
勞動部彈性育嬰假將於明（9）天起試辦，包含提供每次至少5天請育嬰留停，且試辦單位願意的話，也可用單日計，目前已有64家公私部門單位確定參與試辦。
台灣邁入少子化社會，職場是否友善是雙薪無後援家庭願意生養子女的關鍵，民間團體多年來疾呼應有彈性育嬰留停制度，讓家長可以兼顧工作跟育兒，勞動部也將試辦彈性育嬰假，計畫邀請公、私部門有意願的雇主跟勞工參與，觀察執行狀況。
根據試辦原則內容，試辦單位提供受雇者申請彈性育嬰假的期間，以不少於5日或7日為原則，但也可擬訂較短日數，或以單日試辦，而受僱者申請次數也以3次為原則，但試辦單位若願意擬訂更多次數，或以不限次數試辦也可以。（中央社）
【客文版】
慢性个痛有定義 先生表示：毋係發癌還過痛超過3隻月斯愛黏時去分先生看
根據國際疼痛研究學會个定義，痛係一種分人毋鬆爽个感覺摎情感體驗，照常來講係由實際抑係潛在組織損傷造成个。
講著慢性个痛，奇美醫院教授王志中表示，定義係超過3隻月還過毋係發癌个痛，造成个原因較複雜，正開始个時節可能係因為身體、腸肚抑係由神經系統受到傷害引起个，久了以後會加入當多其他个因素，共下造成這隻痛个慢性化，像係長期無睡好，還係做事壓力昶大這兜，慢性个痛較多係習慣病，治療个方法應該愛針對慢性痛形成个原因，用多面向个照護方式來進行。
衛生福利部食品藥物管理署副署長王德原提醒大家，若係有痛个問題斯愛黏時去分先生看，尋著會痛个原因，照先生个指示來食用藥仔，還過用多種方法个止痛治療來協助，有麼个問題斯愛問專業个先生抑係藥師，恁樣正做得脫離痛造成个問題。
彈性育嬰假5月初9開始試辦 最少做得單請1日假
勞動部彈性育嬰假會在韶早開始試辦，包含提供逐擺最少5日做得請育嬰留停，還過若係試辦个單位願意，乜做得用單一日來計算，目前已經有64間公私部門單位確定會參加試辦。
臺灣進入少子化社會，職場敢係友善，斯係雙薪還過無人做得𢯭渡細人仔个家庭願意降子个重點，民間團體多年來為著彈性育嬰留停制度來打拚，希望分爺哀在做事个同時也做得照顧細人仔，勞動部乜會試辦彈性育嬰假，計畫邀請公、私部門有意願个頭家摎勞工來參與，觀察執行个情況。
根據試辦原則个內容，試辦單位提供員工申請彈性育嬰假个期間，以最少5日抑係7日為原則，毋過乜做得擬訂較短个日數，抑係用單一日來試辦，還過員工申請个次數乜以3擺為原則，毋過試辦單位若係願意，乜做得擬訂還較多次數，抑係毋限制次數來試辦。
｜網路收聽｜
▹講客廣播電臺官網｜https://pse.is/R8RU8
▹講客廣播電臺APP｜
Android連結：https://reurl.cc/8GWlXd
IOS連結：https://reurl.cc/O1pb59